“အစိုးရသစ်နှင့် မြန်မာနိုင်ငံ လူ့အခွင့်အရေး အခြေအနေ” အစီရင်ခံစာ

By Association of Human Rights Defenders and Promoters • December 12, 2014

၂၀၁၀ နိုဝင်ဘာလ (၇) ရက်နေ့ အငြင်းပွားဖွယ် ရွေးကောက်ပွဲကြီး အပြီး ပေါ်ထွက် လာသည့် ရွေးချယ်ခံ အစိုးရသစ် လက်ထက် တွင် နိုင်ငံရေး၊ စီးပွားရေးဆိုင်ရာ အပြောင်းအလဲ အချို့ရှိခဲ့သော်လည်း ယခင် လူ့အခွင့် အရေး ချိုးဖောက်သူများအား လုံးဝကင်းလွတ် ခွင့်ပြုထားပါသည်။ ထို့ပြင် ယခင်လူ့အခွင့်အရေး ချိုးဖောက် ခံရသူများအား ပြန်လည် ကုစားပေးမှု လုံးဝမရှိပေ။

အစ်ိုးရသစ် လက်ထက်တွင် နိုင်ငံအတွင်း လွှတ်တော်များ၊ အုပ်ချုပ်မှု ပုံစံများ အသစ်များနှင့် မြန်မာနိုင်ငံအမျိုးသား လူ့အခွင့် အရေးကော် မရှင်တို့ ပေါ်ပေါက် လာခဲ့သော်လည်း လူထု၏ အခြေခံ အခွင့်အရေးများကို ထိရောက်သည့် ကာကွယ်မှုပေးရန် ပျက်ကွက်ဆဲဖြစ်သည်။ လွှတ်တော် များမှ ဥပဒေများရေးဆွဲပြဌာန်း မှုတွင်လည်း လူထု၏ အခွင့်အရေးများကို အလေးထား ထည့်သွင်းရေးဆွဲခြင်း မပြုပေ။ ယခင်အစိုးရ အဆက်ဆက် လူထုအားချုပ်ကိုင်သည့် ဥပဒေများအား ဖျက်သိမ်းခြင်း၊ ပြင်ဆင်ခြင်း၊ အသစ်ရေးဆွဲခြင်းများ မရှိသလောက် နည်းပါးလျှက် ရှိပါသည်။ မြန်မာနိုင်ငံ အမျိုးသား လူ့အခွင့်အရေးကော်မရှင် တစ်ရပ်ပေါ်ပေါက် လာ သော်လည်း လူ့အခွင့်အရေး ချိုးဖောက်မှုများအပေါ် ထိရောက်သည့် ကာကွယ်မှုများ မပေးနိုင်ခြင်း၊ ၄င်းကော်မရှင်၏ လုပ်ပိုင် ခွင့်များအား ထိန်းချုပ် ကန့်သတ်မှု များ ခံနေရပြီး လူ့အခွင့် အရေးမြှင့်တင်ရန် ကိစ္စရပ်များကိုလည်း ဆောင် ရွက်နိုင်ခြင်း မရှိပေ။

အစိုးရသစ် လက်ထက်တွင် ပြည်တွင်းငြိမ်းချမ်းရေး ကိစ္စနှင့်ပတ်သက်၍ အစိုးရမှ အားထုတ် ဆောင်ရွက်သည့် ပုံစံ သက်ရောက်သော်လည်း တိုင်းရင်းသားဒေသများတွင် တိုက်ပွဲကြီး/ငယ်များ၊ အပြစ်အခက်များ ကြိမ်ဖန် များစွာဖြစ်ပွားနေ ဆဲဖြစ်ပါ သည်။ အထူးသဖြင့် အစိုးရသစ် လက်ထက်တွင် လူနည်းစု အခွင့်အရေးများအပေါ် ထိရောက်သည့် အကာအကွယ်ပေးရန် ကိစ္စများ တွင် တာဝန် ပျက်ကွက်လျှက် ရှိပေ သည်။ နိုင်ငံသားတစ်ဦး ချင်းစီ၏ အခြေခံ အခွင့်အရေးများဖြစ်သည့် ဆန္ဒဖော်ထုတ်ခွင့်၊ မြေယာ ပိုင်ဆိုင်ခွင့်၊ မျှတသည့် ဥပဒေ၏ အကာအကွယ် ရပိုင်ခွင့်၊ နှိပ်စက်ညှင်းပန်းမှုမှ ကင်းလွတ်ခွင့်၊ နှိပ်စက်သူများအား အပြစ်ပေး အရေးယူ ခံရခြင်းမှ ကင်းလွတ် နေခြင်း၊ မျှတသည့် တရားစီရင်မှုနှင့် ဥပဒေအရာတွင် တန်းတူမှုနှင့် အကူအညီများ ကင်းမဲ့လျှက် ရှိသည်။

ယခုတွေ့ရှိချက် အစီရင်ခံစာတွင် ပါရှိသော သတင်း အချက်အလက်များသည် ဒေသအသီးသီးရှိ လူ့အခွင့်အရေး ကာကွယ်မြှင့်တင် သူများ အဖွဲ့သို့ ရောက်ရှိလာသည့် လူ့အခွင့်အရေး ချိုးဖောက်ခံရသည့် ကာယကံရှင်များအား ကူညီမှုမှရရှိသည့် အချက်အလက်များ ၊ အရပ်ဖက် အဖွဲ့အစည်းများ၏ သုတေသန စာတမ်းအချို့ နှင့် သတင်းများအပေါ် အခြေခံထားပြီး မြန်မာနိုင်ငံ၏ လူ့အခွင့်အရေး အခြေအနေနှင့် ၊ မြန်မာနိုင်ငံအစိုးရက လေးစားလိုက်နာရန် တာဝန်ရှိမှုများနှင့် ပတ်သက်၍ မီးမောင်းထိုး တင်ပြထားပါသည်။

ယခုအစီရင်ခံစာတွင် ၂၀၁၁ခုနှစ် ကုလသမဂ္ဂ လူ့အခွင့်အရေးကောင်စီ၌ နိုင်ငံတကာ အစိုးရများ၏ အကြံပြုချက်များကို မြန်မာနိုင်ငံ အစိုးရမှ လက်ခံထားသည့် ဥပဒေအရ အုပ်ချုပ်ခြင်း၊ အပြစ်ရှိသူများကို အပြစ်မှ ကင်းလွှတ်ခွင့်ပြုခြင်းနှင့် ဥပဒေစိုးမိုးရေး၊ နှိပ်စက် ညှင်းပန်းခြင်းနှင့် အပြစ်ရှိသူများ အရေးယူခြင်း၊ လယ်ယာမြေ မြေလွတ်/မြေရိုင်း(ပုဂ္ဂလိက ပစ္စည်းဥစ္စာ ပိုင်ဆိုင်ခွင့်)နိုင်ငံရေး အကျဉ်းသား၊ နိုင်ငံရေး လုပ်ငန်းနှင့်ရွေးကောက်ပွဲ လွတ်လပ်မှု၊ ကလေးသူငယ် အခွင့်အရေးနှင့် ကလေးစစ်သား အသုံးပြုမှု၊ လွတ်လပ်စွာ ထုတ်ဖော်ပြောဆိုခွင့်၊ စုဝေးခွင့် နှင့်ဖွဲ့စည်းခွင့်၊ တိုင်းရင်းသားနှင့် လူနည်းစု အခွင့်အရေးများ၊ အမျိုးသမီး အခွင့် အရေးနှင့် ဦးဆောင်မှု အခန်းကဏ္ဍတွင် ပါဝင် ပတ်သက်ခွင့်၊ လူကုန်ကူးမှု စသည်တို့ကို အခန်းလိုက် ဖော်ပြထားပါသည်။

အစီရင်ခံစာ မြန်မာဘာသာကို ဤနေရာတွင် ဒေါင်းလုပ် ရယူနိုင်ပါသည်။

Tags: Association of Human Rights Defenders and Promoters, Burma Government, Ethnic Minorities, Human Rights Violations, Human Trafficking, President Thein Sein, United Nations

This post is in: Human Rights, Spotlight

“အစိုးရသစ်နှင့် မြန်မာနိုင်ငံ လူ့အခွင့်အရေး အခြေအနေ” အစီရင်ခံစာ

About Burma Partnership

Spotlight

Campaigns